| کراچی
( اسٹاف
رپورٹر)
معروف
اسکالر اور
مرکزی رویت
ہلال کمیٹی
پاکستان کے
چیئرمین
پروفیسر
مفتی منیب
الرحمن نے
سابق وفاقی
وزیر مذہبی
امور ڈاکٹر
عامر لیاقت
حسین کو
زبردست
خراج تحسین
پیش کرتے
ہوئے کہا ہے
کہ اہل سنت
اور تمام
عاشقان
رسول کو
عامر لیاقت
حسین پر فخر
ہے جنہوں نے
عشق رسول ﷺ
میں وزارت
کو ٹھوکر
مار دی ۔
مقامی
اشاعتی
ادارے کے
زیر اہتمام
ایک تقریب
سے خطاب
کرتے ہئے
انہوں نے کا
کہ بہتر سو
یہی ہے کہ
انہیں سابق
وزیر مملکت
کے بجائے
تارک وزارت
برائے
سفارت
ناموس
مصطفی ﷺ کہا
جائے،
انہوں نے
کہا عقیدے
کا تقاضا
اور محبت کی
خوشبو بھی
یہی ہے کہ
نبی کریم
صلی اللہ
علیہ وآلہ
وسلم کی ذات
مقدسہ پر سب
کچھ قربان
کر دیا جائے۔
انہوں نے
کہا کہ
معراج والے
حبیب کی
معراج یہ ہے
کہ انہیں
اللہ نے
اپنا جلوہ
دکھا دیا
اور عاشق کی
معراج یہ ہے
کہ وہ شوق
دیدار میں
نثار ہو
جائے۔ مفتی
منیب
الرحمن نے
کہا کہ
ہمارے
حکمرانوں
کو چاہئے کہ
وہ گستاخ
ممالک سے
تعلقات کی
مضبوطی کے
بجائے اللہ
اور اس کے
رسول ﷺ کے
ساتھ اپنے
کمزور تعلق
کو مضبوط
کریں، اس
موقع پر
خطاب کرتے
ہوئے ڈاکٹر
عامر لیاقت
حسین نے کہا
کہ حب رسول،
آل رسول اور
صحابہ کرام
عین ایمان
اور ذریعہ
نجات ہے اور
جس نے بھی ان
کی توہین کی
یا برداشت
کرلی تو
گویا اس نے
اپنے اعمال
اکارت اور
ایمان ضائع
کر دیا۔
انہوں نے
کہا کہ یہ
میرے لئے
اعزاز ہے کہ
مفتی منیب
الرحمن
جیسے عاشق
رسول ﷺ مجھ
گناہ گار و
خطا کار کو
ناموس محمد
ﷺ کا سفارت
کار قرار دے
دیا، اس
موقع پر
ممتاز
علماء،
مشائخ عظام
اور مذہبی
اسکالرز
بھی موجود
تھے۔ |